رمضان شهر الأكل

كل عام وأنتم بألف خير وعساكم من العايدين والفايزين

تابعونا في رمضان مع أكلات أكثر ووصفات بسيطه ولذيذه وعروض رمضانيه من مطاعم الكويت بس عاد لاتكثرون ولا تصيرون جذي وبسكم مسلسلات 

:))

معرض الموفنبيك

يفتتح اليوم معرض متخصص بمحلات الأطعمة المعدة من قبل أيادي كويتية

فندق الموفينبيك بالمنطقة الحره من الساعة الرابعة وحتى العاشره مساءا

ولمدة ثلاثة أيام فقط

من 16  إلى 18 أغسطس

لا يطوفكم :) 

انا رايحة الحين 

6alabat.com

من المواقع الناجحة مع إني كنت اشك في إمكانية نجاحها لأن معظم الناس تفضل تستخدم التلفون للطلبات

بس عندي اقتراحين ممكن يضيفون لمسه على هالموقع المميز

1- اتمنى يكون في صور في كل قائمة طعام مثل مطعم ساسو في بعض الأكلات حتى نعرف احنا شنو قاعدين نطلب
2- وياريت يكون في نبذه عن كل مطعم وأهم شي موقع المطعم
وسلامتكم

Kuwait FOoD

بما اني احب المطاعم والأكل (منو مايحب هالسوالف!) قررت اني اشاركم تجربتي مع الأكل واكتب رايي خصوصا مع كثرة المطاعم بالكويت ومعظم طلعاتنا مطاعم

واذا عندكم شي يديد تبون تشاركوني فيه حياكم لان كل يومين اسمع عن مطعم يديد ما نلحق
:)